Connect with us

Aktuale

Krasniqi: Deklarata e Edi Ramës ishte më shumë se simbolikë (Video)

Jakup Krasniqi nga partia NISMA Socialdemokrate, në emisionin “Përballje” ka komentuar edhe deklaratën e kryeministrit Edi Rama për një president mbarëkombëtar.

Ai ka thënë se deklarata e kryeministrit Edi Rama nuk u kuptua ashtu siç duhet.

“Ne nuk duhet të kemi frikë nga fjalët që dërgojnë nga një komunikim ndryshe. Unë dua ta shohë një fjalë më tepër programore të një perspektive të ardhshme”, ka thënë ai.

Sipas tij, deklarata e Ramës ka qenë më shumë se simbolikë.

“Duhet rishikuar se sa realiste ishte, përndryshe përmbajtja e fjalimit kishte përmbajtje të fortë, por duhet të shikojmë se si duhet të ecim në atë drejtim dhe mendoj se Kosova dhe Shqipëria kanë pasur mundësi ku gjatë këtyre viteve ta kenë një treg të përbashkët. Deklarata është shumë e fryrë, që nuk e tregon realitetin ashtu siç duhet. Vendet tona, kështu të izoluara nuk mund të zhvillohen. Ka shpërputhje në këtë drejtim sa i përket çështjes së bashkëpunimit tregtar”, ka thtuar Krasniqi.

Ndryshe kryeministri Edi Rama ka përmendur dje në Kuvendin e Kosovës idenë për një president mbarëkombëtar.

Emisioni “Përballje” është prodhim i Telegrafit me gazetar Muhamet Hajrullahu dhe transmetohet çdo të hënë nga ora 20:10 në RTV Dukagjini e  Telegrafi.com.

Click to comment

Leave a Reply

Your email address will not be published. Required fields are marked *