Connect with us

Aktuale

Dua Lipa ndoqi për së afërmi fitoren e Lewis Hamiltonit në Azerbajxhan

Dua Lipa është një ndër këngëtaret më të suksesshme shqiptare në rrafshin ndërkombëtar.

Këngëtarja shqiptare po vazhdon të korr suksese me këngët që po publikon dhe koncertet që mban anembanë globit.

Bukuroshja jonë do të perfomojë para publikut të kryeqytetit të Azerbajxhanit, Baku dhe ky ishte rast fantastik për të të ndjekur për së afërmi garat e Formula 1.

Artistja 22-vjeçare ka ndjekur për së afërmi garën e Çmimin e Madh të Azerbajxhanit teksa ka qëndruar në ballkonin e VIP-ave që gjendet mbi garazhet e skuderive.

Ajo ishte e shoqëruar me Julian Rupertin, që kohët e fundit po raportohet se është i dashuri i ri Lipës.

Ndryshe, Lewis Hamilton me Mercedes fitoi sot garën e Çmimit të Madh të Azerbajxhanit, gara e katërt sezonale e Botërorit të Formula 1, një garë spektakolare dhe me shumë të papritura, sidomos në xhirot e fundit.

Përplasja mes dy makinave Red Bull kur kishin mbetur edhe 10 xhiro nga fundi i Çmimit të Madh të kësaj të diele, e katërta garë e këtij sezoni, bëri që Valteri Bottas të qëndronte në krye të pilotëve edhe pas kryerjes së “pit stopit” të detyrueshëm nën diktatin e makinës së sigurisë, duke i nisur 3 xhirot e fundit me pretendimet maksimale për ta fituar atë.

Por, një problem me çarjen e gomës së pasme të Bottasit, bëri që Lewis Hamilton të katapultohej në krye, Kimi Raikkonen që e ndiqte të dilte i dyti, ndërsa Sergio Perez të parakalonte Sebastian Vettelin duke e nxjerrë jashtë podiumit.

Falë këtij triumfi, Hamilton ngjitet në krye të renditjes së Botërorit të Formula 1 me 70 pikë, ndërsa Vettel zbret në vendin e dytë me 66 pikë, duke lënë pas Raikkonen, i treti me 48 pikë.

Click to comment

Leave a Reply

Your email address will not be published. Required fields are marked *